ХЭРГИЙН ТАНИЛЦУУЛГА: Иргэн Л.Гантөгс нь хувийн өр авлагын улмаас иргэн Ш.Мөнхжаргалыг санаатай алахыг завдсан хэргээр яллагдсан. АНХАН ШАТ: Л.Гантөгсийг Эрүүгийн хуулийн 91.1-д зааснаар буюу хүнийг санаатай алахыг завдсан гэмт хэрэг үйлдсэнд тооцож, 6 жил 6 сараар хорих ял оноосон. ДАВЖ ЗААЛДАХ ШАТ: Ялтан Л.Гантөгс болон түүний өмгөөлөгчид нь хохирогчийг алах зорилго байгаагүй, хүнд гэмтэл учруулаагүй, хэргийн сэдэл зорилго тодорхойгүй, гэм буруугаа үгүйсгэн, шийтгэх тогтоолыг хүчингүй болгуулахаар гомдол гаргасан. Хохирогчийн өмгөөлөгч болон прокурор нар анхан шатны шүүхийн шийтгэх тогтоолыг хэвээр үлдээхийг дэмжсэн.
ҮНДЭСЛЭЛ: Шүүх хуралдаанаар хэлэлцэгдсэн нотлох баримтуудаар Л.Гантөгс нь хохирогч Ш.Мөнхжаргалтай өр авлагын улмаас маргалдаж, хутгаар хэд хэдэн удаа хатгаж, хүндрүүлэх нөхцөл байдалгүйгээр санаатай алахаар завдсан болох нь тогтоогдсон. Гэмт хэргийн улмаас хохирогчийн биед хүнд гэмтэл учирсан нь шинжээчийн дүгнэлтээр батлагдсан. Шүүх анхан шатны шийтгэх тогтоолыг хэвээр үлдээж, давж заалдах гомдлыг хэрэгсэхгүй болгосон.