Тогтоол №18264

ХЭРГИЙН ТАНИЛЦУУЛГА: Согтууруулах ундаа хэрэглэсэн үедээ автомашин жолоодож яваад хүний эрүүл мэндэд хүнд хохирол учруулсан, мөн автомашинд эд материалын хохирол учруулсан хэрэг. АНХАН ШАТ: Эрүүгийн хуулийн тусгай ангийн 27.10 дугаар зүйлийн 2.1, 2.3-т заасан гэмт хэрэгт гэм буруутайд тооцож, 4.220.000 төгрөгийг гаргуулан хохирогч болон иргэний нэхэмжлэгчид олгох, жолоодох эрхийг 2 жил хасч, 6 сар хорих ялаар шийтгэсэн. ДАВЖ ЗААЛДАХ ШАТ: Шүүгдэгч нь хохирлыг барагдуулсан, гэр бүлийн байдал, хүүхдүүдээ харгалзан үзэж ялыг тэнсгэхийг хүссэн. Хохирогч болон иргэний нэхэмжлэгч нар шүүгдэгчээс гомдолгүй гэсэн.

ҮНДЭСЛЭЛ: Анхан шатны шүүхийн шийтгэх тогтоол нь хууль ёсны ба үндэслэл бүхий байх хуулийн шаардлагыг хангасан. Гэм буруугийн асуудал, зүйлчлэлд гомдолгүй. Хохирлыг төлж барагдуулсан, учруулсан хохирол, хувийн байдлыг харгалзан Эрүүгийн хуулийн ерөнхий ангийн 7.1 дүгээр зүйлийн 1-т заасныг баримтлан хорих ялыг оногдуулахгүйгээр 1 жилийн хугацаагаар тэнссэн.