Тогтоол №18240

ХЭРГИЙН ТАНИЛЦУУЛГА: Хуулийн этгээдийн байранд нэг бүлэглэлтэйгээр хүний эрүүл мэндэд хөнгөн хохирол учруулсан гэмт хэрэгт холбогдох шүүгдэгчийн давж заалдах гомдлоор хэргийг хянан хэлэлцсэн. АНХАН ШАТ: Шүүгдэгчийг Эрүүгийн хуулийн тусгай ангийн 11.6 дугаар зүйлийн 1-д заасан "Хүний эрүүл мэндэд хөнгөн хохирол учруулах" гэмт хэрэгт буруутайд тооцож, торгох ял оногдуулж, учруулсан хохирлыг гаргуулж өгөхөөр шийдвэрлэсэн. ДАВЖ ЗААЛДАХ ШАТ: Шүүгдэгч нь гэрчүүдийн мэдүүлгийг үндэслэн өөрийн буруугүйг нотлох баримт гаргаж, хохирогчийн тал нь цагдаа, шүүхтэй холбоотой, хуурамч дүгнэлт гаргуулсан гэж үзэж байгаа. Прокурор нь хэрэг хянан шийдвэрлэх хугацаа дууссан тул хэргийг хэрэгсэхгүй болгох саналтай.

ҮНДЭСЛЭЛ: Шүүгдэгчийн үйлдсэн гэмт хэрэг нь Эрүүгийн хуулийн ерөнхий ангийн 2.6 дугаар зүйлийн 2-т заасан хөнгөн хэргийн ангилалд багтдаг бөгөөд үйлдсэн гэмт хэргийн хөөн хэлэлцэх хугацаа нь Эрүүгийн хуулийн 1.10 дугаар зүйлийн 1.1-д зааснаар нэг жил байхаар хуульчлагдсан. Анхан шатны шүүх хэргийг хянан шийдвэрлэхэд гэмт хэргийн хөөн хэлэлцэх хугацаа дууссан байхад ял шийтгэл оногдуулсан нь Эрүүгийн хуулийг буруу хэрэглэсэн тул анхан шатны шүүхийн шийтгэх тогтоолын зарим хэсгийг хүчингүй болгож, эрүүгийн хэргийг хэрэгсэхгүй болгож шийдвэрлэсэн.