Тогтоол №18130

ХЭРГИЙН ТАНИЛЦУУЛГА: Нийслэлийн Эрүүгийн хэргийн давж заалдах шатны шүүх шүүгдэгч А.Э, Ч.Ж нарт холбогдох хэргийг хянан хэлэлцэв. Сүхбаатар дүүргийн Эрүүгийн хэргийн анхан шатны шүүхийн шийтгэх тогтоолыг шүүгдэгч А.Э-гийн өмгөөлөгч эс зөвшөөрч давж заалдах гомдол гаргасан. АНХАН ШАТ: Анхан шатны шүүхээс шүүгдэгч А.Э-г албан тушаалаа урвуулан ашиглаж, хүү Б.Бийд давуу байдал олгосон гэмт хэрэгт буруутгаж, нийтийн албанд томилогдох эрхийг хоёр жилээр хасаж, арван сая төгрөгөөр торгох ял оногдуулсан. Шүүгдэгч Ч.Ж-ын холбогдолтой хэргийг гэмт хэргийн шинжгүй хэмээн хэрэгсэхгүй болгосон. ДАВЖ ЗААЛДАХ ШАТ: Давж заалдах шатны шүүхээс анхан шатны шүүхийн шийдвэрийг хүчингүй болгож, шүүгдэгч А.Э, Ч.Ж нарт холбогдох хэргийг хэргийн бодит байдалд нийцээгүй, хууль буруу хэрэглэсэн гэж үзэн хэргийг хэрэгсэхгүй болгосон.

ҮНДЭСЛЭЛ: Давж заалдах шатны шүүхээс анхан шатны шүүхийн шийтгэх тогтоолд дурдсан дүгнэлт нь хэргийн бодит байдалтай нийцээгүй, нотлох баримтаар нотлогдоогүй гэж үзсэн. Тухайлбал, шүүгдэгч А.Э, Ч.Ж нарын хамтран үйлдсэн гэх хэргүүд, тэр дундаа БНХАУ-ын иргэн В /W/-д магистрын зэрэг олгож давуу байдал бий болгосон үйлдлийг буруу дүгнэсэн. Мөн шүүгдэгч А.Э, Ч.Ж нарын үйлдлүүд нь Эрүүгийн хуульд заасан гэмт хэргийн шинжийг хангаагүй, анхан шатны шүүхээс хуулийг буруу хэрэглэсэн гэж дүгнэлээ.