Тогтоол №17696

ХЭРГИЙН ТАНИЛЦУУЛГА: Гэр бүлийн хамаарал бүхий харилцаатай хохирогчийн эрүүл мэндэд хөнгөн хохирол санаатай учруулсан, мөн жирэмсэн үед нь гэр бүлийн хүчирхийлэл үйлдсэн хэрэг. АНХАН ШАТ: Шүүгдэгчийг Эрүүгийн хуулийн тусгай ангийн 11.6 дугаар зүйлийн 2 дахь хэсэг, 11.7 дугаар зүйлийн 2.1-т зааснаар гэм буруутайд тооцож, нийт 7 сарын хугацаагаар зорчих эрхийг хязгаарлах ялаар шийтгэсэн. ДАВЖ ЗААЛДАХ ШАТ: Шүүгдэгчийн өмгөөлөгч нь анхан шатны шүүх Эрүүгийн хуулийг буруу тайлбарлаж, нэг үйлдлийг давхар зүйлчилж ял оногдуулсан гэж гомдол гаргасан.

ҮНДЭСЛЭЛ: Гэр бүлийн хүчирхийлэл үйлдэх явцдаа хүний эрүүл мэндэд хөнгөн хохирол учруулсан нь Эрүүгийн хуулийн ерөнхий ангийн 2.2 дугаар зүйлийн 4 дэх хэсэгт зааснаар хэд хэдэн гэмт хэргийн шинжийг хангасан тул нэгэн зэрэг хариуцлага тооцох нь үндэслэлтэй. Анхан шатны шүүхийн тогтоол болон оногдуулсан ял нь хууль ёсны бөгөөд үндэслэлтэй байна.