Тогтоол №16951

ХЭРГИЙН ТАНИЛЦУУЛГА: Иргэн Х.М нь иргэн Б.Э-ээс орон сууц худалдан авах гэрээний дагуу урьдчилгаа авсан хэдийгээ, тус орон сууцыг өөр иргэн Ж.Доржсүрэнд дахин худалдсанаар Б.Э-д 40.000.000 төгрөгийн хохирол учруулсан залилах гэмт хэрэгт холбогдсон. АНХАН ШАТ: Шүүгдэгч Х.М-ыг залилах гэмт хэрэг үйлдсэнд тооцож, 1 жилийн хорих ял оногдуулж, 30.000.000 төгрөгийг хохирогч Б.Э-д гаргуулж өгөхөөр шийдвэрлэсэн. ДАВЖ ЗААЛДАХ ШАТ: Шүүгдэгч болон түүний өмгөөлөгчид анхан шатны шүүхийн шийтгэх тогтоолыг эс зөвшөөрч, хохирол барагдуулсан, гэм буруугаа хүлээн зөвшөөрсөн, бага насны хүүхэдтэй зэрэг үндэслэлээр ялыг хөнгөрүүлж, торгуулийн ял оногдуулах талаар гомдол гаргасан. ҮНДЭСЛЭЛ: Давж заалдах шатны шүүх хэргийг бүхэлд нь хянан, шүүгдэгч Х.М-ын залилах гэмт хэргийг хуурч, бодит байдлыг нуух замаар бусдыг төөрөгдөлд оруулж, өмчлөгчийн эд хөрөнгийг шилжүүлэн авсан болох нь нотлогдсон гэж үзсэн. Гэвч шүүгдэгч хохирол учруулсан хойноо 30.000.000 төгрөгийг хохирогчид төлж барагдуулсан, гэм буруугаа хүлээн зөвшөөрч гэмшсэн байдал, хүндэтгэн үзэх нөхцөл байдлуудыг харгалзан үзэж, анхан шатны шүүхээс оногдуулсан 1 жилийн хорих ялыг хөнгөрүүлэн, 6.500.000 төгрөгөөр торгох ял болгон өөрчилж, шүүгдэгч Х.М-ыг суллахаар шийдвэрлэсэн. Хохирогч Б.Э-ийн нэхэмжилсэн бусад зардлыг иргэний журмаар шийдвэрлүүлэхээр нээлттэй үлдээсэн.