Тогтоол №16691

ХЭРГИЙН ТАНИЛЦУУЛГА: Шүүгдэгчийг ховор ургамал хууль бусаар түүж, тээвэрлэсэн хэргээр буруутгаж, анхан шатны шүүхээс ял оногдуулсан. Ургамлын хохирлыг тогтоохдоо хуулийн заалтыг буруу хэрэглэсэн гэж прокурор үзэж, давж заалдах гомдол гаргасан. АНХАН ШАТ: Шүүгдэгчийг ховор ургамал хууль бусаар түүж, бэлтгэсэн, хадгалсан, тээвэрлэсэн гэмт хэрэг үйлдсэн гэм буруутайд тооцож, нэг жилийн хугацаагаар тэнссэн ял оногдуулж, хяналт тогтоосон. Мөн ургамлаас учирсан хохирлыг 7,000,000 төгрөгөөр тогтоон улсын орлого болгох, тээврийн хэрэгслийг хураах шийдвэр гаргасан. ДАВЖ ЗААЛДАХ ШАТ: Прокурор анхан шатны шүүхийг байгаль орчинд учирсан хохирлыг тогтоохдоо холбогдох хуулийг буруу хэрэглэсэн, тухайлбал хохирлыг тав дахин нэмэгдүүлэн тооцож, улсын орлого болгох шийдвэр гаргаагүй гэж үзэн шийтгэх тогтоолыг хүчингүй болгож, хэргийг анхан шатны шүүхэд буцааж өгнө үү гэсэн гомдол гаргасан. Шүүгдэгчийн өмгөөлөгч анхан шатны шүүхийн шийдвэрийг үндэслэлтэй гэж үзэн хэвээр үлдээхийг хүссэн. ҮНДЭСЛЭЛ: Шүүх нь Байгаль орчныг хамгаалах тухай хуулийн 9 дүгээр зүйлийн 3-т заасны дагуу байгаль орчинд учирсан хохирлыг холбогдох улсын байцаагч тогтоосноор шийдвэрлэх, улсын байцаагчийн актаар тогтоосон нөхөн төлбөрийг төлөх үүргийг хэрэгжүүлэх, хэрэв хугацаандаа барагдаагүй бол шүүхийн шийдвэр гүйцэтгэх журмаар шийдвэрлүүлэхээр холбогдох байгууллагуудад хүргүүлэх, мөн холбогдох этгээд захиргааны хэргийн шүүхэд хандаж шийдвэрлүүлэх боломжтой гэж үзсэн. Иймд анхан шатны шүүхийн шийдвэрийг хүчингүй болгох, өөрчөх шаардлагагүй гэж дүгнэн прокурорын эсэргүүцлийг хэрэгсэхгүй болгосон.