Тогтоол №16409

ХЭРГИЙН ТАНИЛЦУУЛГА: Гэрчээр оролцохдоо зориуд худал мэдүүлэг өгсөн хэрэгт холбогдсон шүүгдэгч нарт холбогдох эрүүгийн хэргийг хянан хэлэлцэв. АНХАН ШАТ: Шүүгдэгчдийг Эрүүгийн хуулийн тусгай ангийн 21.2 дугаар зүйлийн 1 дэх хэсэгт заасан гэрч шүүхэд үнэн зөв мэдүүлэг өгөхөө илэрхийлж, баталгаа гаргасны дараа зориуд худал мэдүүлэг өгсөн гэмт хэрэгт гэм буруутайд тооцож, тус бүрийг 500,000 төгрөгөөр торгох ялаар шийтгэв. ДАВЖ ЗААЛДАХ ШАТ: Прокурор, анхан шатны шүүхийн шийдвэр Эрүүгийн хуулийг буруу хэрэглэсэн, тодруулбал шүүгдэгчдийг 21.2 дугаар зүйлийн 1 дэх хэсэгт заасан гэмт хэрэгт гэм буруутайд тооцсон боловч 11.6 дугаар зүйлийн 1 дэх хэсэгт зааснаар ял оногдуулсан нь буруу гэж эсэргүүцэл бичив. Давж заалдах шатны шүүх прокурорын эсэргүүцлийг үндэслэлтэй гэж үзэн, анхан шатны шүүхийн шийтгэх тогтоолын тогтоох хэсэгт өөрчлөлт оруулж, шүүгдэгчдийг Эрүүгийн хуулийн тусгай ангийн 21.2 дугаар зүйлийн 1 дэх хэсэгт зааснаар ял шийтгэл оногдуулах нь зүйтэй гэж дүгнэлээ.

ҮНДЭСЛЭЛ: Анхан шатны шүүх шүүгдэгчдийг гэрч шүүхэд үнэн зөв мэдүүлэг өгөхөө илэрхийлж, баталгаа гаргасны дараа зориуд худал мэдүүлэг өгсөн хэрэгт гэм буруутайд тооцсон боловч хүний эрүүл мэндэд хөнгөн хохирол санаатай учруулсан хэмээх буюу Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар ял оногдуулсан нь Эрүүгийн хуулийг буруу хэрэглэсэн, Эрүүгийн хэрэг хянан шийдвэрлэх тухай хуулийн 36.2 дугаар зүйлийн 3 дахь хэсгийг зөрчсөн байна. Шүүгдэгч нарын хувийн байдал, үйлдсэн гэмт хэргийн шинж чанарт тохирсон ял шийтгэл нь 500,000 төгрөгөөр торгох байсан тул давж заалдах шатны шүүх анхан шатны шүүхийн шийдвэрийг өөрчилж, Эрүүгийн хуулийн тусгай ангийн 21.2 дугаар зүйлийн 1 дэх хэсэгт зааснаар ял шийтгэл оногдуулсан.