Тогтоол №16038

ХЭРГИЙН ТАНИЛЦУУЛГА: Төрийн тусгай хамгаалалттай газраас зөвшөөрөлгүй амьтан агнасан, түүхий эдийг хадгалсан хэрэг. АНХАН ШАТ: Шүүгдэгчийг тусгай хамгаалалттай газар нутагт зөвшөөрөлгүй амьтан агнасан, түүхий эдийг хадгалсан гэм буруутайд тооцож, 5,400,000 төгрөгөөр торгож, 3 жил хүртэл хугацаагаар хэсэгчлэн төлүүлэхээр шийтгэсэн. Амьтны тухай хуулийн 37.2-т зааснаар 1,650,000 төгрөгийг хохирогчид олгохоор шийдвэрлэсэн. ДАВЖ ЗААЛДАХ ШАТ: Шүүгдэгч болон өмгөөлөгч нь шүүгдэгчийн үйлдлийг гэмт хэргийн шинжгүй, газар нутгийн онцлог, тухайн амьтны байгальд учруулж буй хор хөнөөлийг үндэслэн хэргийг хэрэгсэхгүй болгохыг шаардсан. ҮНДЭСЛЭЛ: Давж заалдах шатны шүүх шүүгдэгчийн үйлдлийг тусгай хамгаалалттай газар нутагт зөвшөөрөлгүй амьтан агнасан, Эрүүгийн хуулийн 24.5-д заасан гэмт хэрэг үйлдсэн гэм буруутайд тооцсон. Шүүгдэгчийг цагаатгах, хэргийг хэрэгсэхгүй болгох гомдлыг хангахгүй байхдаа, байгаль орчинд учруулсан хохирлыг тогтоохдоо Байгаль орчныг хамгаалах тухай хуулийн 49.1, 49.4, Засгийн газрын тусгай сангийн тухай хуулийн 7.2-г баримтлан 16,560,000 төгрөгийг Байгаль орчин, уур амьсгалын санд оруул гэж шийтгэх тогтоолын холбогдох хэсэгт өөрчлөлт оруулсан.