Тогтоол №14982

ХЭРГИЙН ТАНИЛЦУУЛГА: Бусдыг залилсан хэрэгт холбогдох шүүгдэгч М.М, С.Д нарын хэргийг анхан шатны шүүх хэлэлцээд шийтгэх тогтоол гаргасан. Үүнийг эс зөвшөөрч шүүгдэгч нарын өмгөөлөгчид давж заалдах гомдол гаргасан. АНХАН ШАТ: Шүүгдэгч М.М, С.Д нарыг Эрүүгийн хуулийн тусгай ангийн 17.3 дугаар зүйлийн 2.2 дахь хэсэгт зааснаар залилах гэмт хэрэгт буруутгаж, М.М-ыг 4 жил хорих ялаар, С.Д-гээс 56,191,540 төгрөгийг гаргуулахаар шийдвэрлэж, иргэний нэхэмжлэгч Ш.Төмөрсүхийн нэхэмжлэлийг хэлэлцэхгүй орхисон. ДАВЖ ЗААЛДАХ ШАТ: Шүүгдэгч нарын өмгөөлөгчид анхан шатны шүүхийн шийтгэх тогтоол хууль зүйн үндэслэлгүй, яллах дүгнэлтээс хэтэрсэн, хөөн хэлэлцэх хугацааг зөрчсөн, гэм буруугийн харилцан эсрэг дүгнэлтүүд гаргасан, хохирол, хор уршгийг зөв тогтоогоогүй гэх үндэслэлээр давж заалдах гомдол гаргасан. ҮНДЭСЛЭЛ: Давж заалдах шатны шүүхээс анхан шатны шүүхийн шийтгэх тогтоол нь хууль ёсны болон үндэслэл бүхий байх шаардлагыг хангаагүй, хэрэгт битүүмжлэх ажиллагаа хийгдээгүй, орон сууцны талаархи иргэний хэргийн шийдвэр хангалттай бүрдээгүй, хохирлыг нэг мөр шийдвэрлэх боломжгүй зэрэг үндэслэлээр шийтгэх тогтоолыг хүчингүй болгож, хэргийг нэмэлт мөрдөн шалгах ажиллагаа хийлгүүлэхээр прокурорт буцаахаар шийдвэрлэсэн.