Тогтоол №14948

ХЭРГИЙН ТАНИЛЦУУЛГА: Нийгмийн даатгалын байгууллагад ажилладаг этгээд албан тушаалаа урвуулан ашиглаж, бусдыг залилсан хэрэг. АНХАН ШАТ: Албан тушаалаа ашиглан залилсан үйлдлийг Эрүүгийн хуулийн тусгай ангийн 17.3 дугаар зүйлийн 2.1-д зааснаар гэм буруутайд тооцож, 2 жил 2 сарын хорих ял оногдуулсан. Хохирлыг иргэний журмаар нэхэмжлэх эрхийг нээлттэй үлдээсэн. ДАВЖ ЗААЛДАХ ШАТ: Гэм буруугаа хүлээн зөвшөөрч, учруулсан хохирлыг төлсөн, хувийн байдлыг харгалзан ялыг хөнгөрүүлэх үндэслэл байгаа хэмээн шүүгдэгч болон түүний өмгөөлөгч нар гомдол гаргасан.

ҮНДЭСЛЭЛ: Шүүгдэгч гэм буруугаа хүлээн зөвшөөрч, учруулсан хохирлыг төлж барагдуулсан, хуульд заасан ял хөнгөрүүлэх нөхцөл байдлыг харгалзан анхан шатны шүүхээс оногдуулсан ялыг Эрүүгийн хуулийн ерөнхий ангийн 6.7 дугаар зүйлийн 1.3-т зааснаар 1 жил 1 сарын хорих ял болгон хөнгөрүүлэн өөрчилсөн. Хохирогч нь хүү, алданги нэхэмжилсэн боловч түүнийг нотлох баримт хэрэгт авагдаагүй тул иргэний журмаар шийдвэрлүүлэх нь зөв байна.