Тогтоол №14826

ХЭРГИЙН ТАНИЛЦУУЛГА: Ашигт малтмал хууль бусаар олборлосон гэмт хэрэгт холбогдсон шүүгдэгчийн үйлдлийг Эрүүгийн хуулийн тусгай ангийн 24.2 дугаар зүйлийн 1 дэх хэсэгт зааснаар зүйлчлэн яллах дүгнэлт үйлдсэн. АНХАН ШАТ: Хууль бусаар ашигт малтмал олборлож, байгаль орчинд учирсан хохирлыг нөхөн төлөөгүй үндэслэлээр шүүгдэгчийг нэг жилийн хорих ялаар шийтгэж, улсын дугаартай экскаваторыг улсын орлого болгож, бусад тээврийн хэрэгслийг эзэмшигчдэд нь буцаан олгохоор шийдвэрлэсэн. ДАВЖ ЗААЛДАХ ШАТ: Өмгөөлөгч нь шүүгдэгчийн гэм бурууг хүлээн зөвшөөрсөн, анх удаа гэмт хэрэгт холбогдсон, нялх хүүхэдтэй зэргийг харгалзан үзэж, оногдуулсан хорих ялыг тэнсгэлтэй болгохыг хүссэн. Прокурор нь хохирлыг нөхөн төлсөн нь ялыг биечлэн эдлүүлэхгүй байх үндэслэл болно гэж үзсэн.

ҮНДЭСЛЭЛ: Гэм буруугаа хүлээн зөвшөөрсөн, учруулсан бодит хохирол болох 1,932,030 төгрөгийг давж заалдах шатанд төлж барагдуулсан байдал, гэр бүлийн байдал, хүүхэдтэй зэргийг харгалзан Эрүүгийн хуулийн ерөнхий ангийн 7.1 дүгээр зүйлийн 1-д заасныг баримтлан оногдуулсан хорих ялыг тэнсэж, шүүхийн шийтгэх тогтоолын заалтад өөрчлөлт оруулж, бусад заалтыг хэвээр үлдээж шийдвэрлэсэн. Мөн мөрдөн шалгах ажиллагаанд нотлох баримт цуглуулах, бэхжүүлэх, үнэлэх шатанд эрүүгийн хэрэг хянан шийдвэрлэх ажиллагааны шаардлагыг зөрчөөгүй гэж үзсэн.