Тогтоол №14776

ХЭРГИЙН ТАНИЛЦУУЛГА: Хулгайлах гэмт хэрэг үйлдсэн гэм буруутай этгээдэд анхан шатны шүүхээс ял оногдуулсан. Давж заалдах шатны шүүхэд шинээр илэрсэн нөхцөл байдлыг үндэслэн анхан шатны шүүхийн шийтгэх тогтоолыг хүчингүй болгох санал ирүүлсэн. АНХАН ШАТ: Эрүүгийн хуулийн тусгай ангийн 17.1 дүгээр зүйлийн 1, 17.1 дүгээр зүйлийн 2.1, 17.2 дугаар зүйлийн 1 дэх хэсгүүдэд зааснаар нийт 2 жилийн хорих ял оногдуулсан. ДАВЖ ЗААЛДАХ ШАТ: Прокуророос анхан шатны шүүхийн шийтгэх тогтоолыг хүчингүй болгож, хэргийг мөрдөн шалгах ажиллагаа хийлгэхээр прокурорт буцаалгах дүгнэлт гаргасан. Анхан шатны шүүхийн шийтгэх тогтоол гарахаас өмнө үйлдсэн гэмт хэрэг, шийтгэх тогтоол гарахаас хойш илэрсэн нь оногдуулсан ялыг хэрхэн нэгтгэх талаар хуулийн зохицуулалт байхгүй, энэ тохиолдолд Эрүүгийн хуулийн ерөнхий ангийн 1.3, 1.15 дүгээр зүйлүүдийг хэрэглэхэд эргэлзээ үүсч байгаа тул нэг гэмт хэрэгт нэг удаа ял оногдуулах зарчмыг баримтлан, яллагдагчид ашигтайгаар шийдвэрлэх прокурорын дүгнэлтийг хүлээн авах нь зүйтэй гэж үзсэн. ҮНДЭСЛЭЛ: Анхан шатны шүүхийн шийтгэх тогтоолыг шинээр илэрсэн нөхцөл байдлын улмаас хүчингүй болгож, холбогдох хэргийг прокурорт буцаах нь зүйтэй. Хэргийг прокурорт очтол этгээдэд цагдан хорих таслан сэргийлэх арга хэмжээ авах нь зүйтэй.