Тогтоол №14690

ХЭРГИЙН ТАНИЛЦУУЛГА: Ялтанд ялтай байх үедээ бусдын эд хөрөнгийг хулгайлсан хэрэгт буруутгасан. АНХАН ШАТ: Гэм буруутайд тооцож, 2 жил хорих ялаар шийтгэж, ялыг жирийн дэглэмтэй хорих ангид эдлүүлэхээр шийдвэрлэсэн. ДАВЖ ЗААЛДАХ ШАТ: Прокурор ялтан ялтай байхдаа дахин гэмт хэрэг үйлдсэн, урьд нь 9 удаа ял шийтгэгдэж байсан зэргийг харгалзан ял эдлэх дэглэмийг чанга дэглэмтэй хорих ангид эдлүүлэх ёстой байтал анхан шатны шүүх Эрүүгийн хуулийн холбогдох зүйл заалтыг хэрэглээгүй гэж үзэн эсэргүүцэл бичсэн.

ҮНДЭСЛЭЛ: Анхан шатны шүүх ялтан ялтай байхдаа хулгайн гэмт хэрэг үйлдсэнийг тогтоож, гэм буруутайд тооцсон нь зөв боловч ял эдлэх дэглэмийг тогтоохдоо Эрүүгийн хуулийн ерөнхий ангийн 52 дугаар зүйлийн 52.10-р хэсгийг хэрэглээгүй нь хууль хэрэглээний алдаа болсон тул энэ хэсгийг нэмж Эрүүгийн хуулийн ерөнхий ангийн 52 дугаар зүйлийн 52.5-д заасныг журамлан шийдвэрлэх нь зүйтэй.