Тогтоол №14541

ХЭРГИЙН ТАНИЛЦУУЛГА: Хэд хэдэн удаа бүлэглэн мал хулгайлсан хэрэгт холбогдох шүүгдэгч нарт холбогдох эрүүгийн хэргийг давж заалдах шатны шүүхэд хянан хэлэлцэв. АНХАН ШАТ: Анхан шатны шүүхээс шүүгдэгч *******ыг бүлэглэн, байнга үйлдэж амьдралын эх үүсвэр болгосон мал хулгайлсан гэмт хэрэгт, бусад шүүгдэгч нарыг бүлэглэн мал хулгайлсан гэмт хэрэгт тус тус гэм буруутайд тооцож, Эрүүгийн хуулийн холбогдох зүйл хэсгүүдэд заасан үндэслэлээр ял оногдуулсан. ДАВЖ ЗААЛДАХ ШАТ: Шүүгдэгч *******ын өмгөөлөгч нь анхан шатны шүүхийн шийтгэх тогтоолд гомдол гаргаж, тусгаарласан хэргүүдийг нэг мөр шийдвэрлээгүй, шүүгдэгчийн эрх зүйн байдлыг дордуулсан, хэргийн зүйлчлэлийг өөрчлөн ашигтайгаар шийдвэрлэхийг хүссэн. Мөн нэг үйлдлийг худал хүлээлгэж ял оногдуулсан гэж маргажээ. Давж заалдах шатны шүүхээс өмгөөлөгчийн гомдлыг бүхэлд нь хэрэгсэхгүй болгож, харин анхан шатны шүүхийн шийтгэх тогтоолын зарим хэсгүүдэд өөрчлөлт оруулж, бусад хэсгийг хэвээр үлдээж шийдвэрлэжээ.

ҮНДЭСЛЭЛ: Давж заалдах шатны шүүх нь хэрэг хянан шийдвэрлэх ажиллагааны явцад хууль зөрчөөгүй, нотлох баримтууд нь хэргийн бодит байдалтай нийцэж байсан гэж дүгнэсэн. Хэргийг тусгаарлан шийдвэрлэх нь хуульд нийцсэн байсныг дурдсан. Мөн шүүгдэгч *****ын үйлдлийн шинжийг харгалзан ял оногдуулсан нь үндэслэлтэй гэж үзжээ. Гэвч хууль буцаан хэрэглэх нөхцөл байдал үүсээгүй байхад Ерөнхий ангийн 1.9 дүгүүр зүйлийг хэрэглэсэн нь буруу байсныг олж тогтоож, 1.8 дугаар зүйлийг хэрэглэхээр өөрчилж, зарим тооцоонд гарсан зөрүүг залруулсан.