Тогтоол №13836

ХЭРГИЙН ТАНИЛЦУУЛГА: Согтууруулах ундаа хэрэглэсэн үедээ тээврийн хэрэгсэл жолоодож, явган зорчигчийг мөргөж амь насыг нь хохироосон гэмт хэрэгт холбогдсон этгээд болон хохирогчийн хууль ёсны төлөөлөгчийн давж заалдах гомдлыг хянан шийдвэрлэх явдал. АНХАН ШАТ: Гэмт этгээдийг Эрүүгийн хуулийн тусгай ангийн 27.10 дугаар зүйлийн 4 дэх хэсгийн 4.1-д зааснаар яллаж, тээврийн хэрэгсэл жолоодох эрхийг 6 жил хасч, 4 жил 6 саяар хорих ял оноосон. Мөн хохирлыг төлүүлэх зарим шаардлагыг хэлэлцэхгүй орхиж, бусдыг нь Иргэний хэргийн журмаар шийдвэрлүүлэхээр тогтоосон. ДАВЖ ЗААЛДАХ ШАТ: Хохирогчийн өмгөөлөгч амь хохирогчийн оршуулгын зардал болон цалин орлогын нөхөн төлбөрийг нэмж гаргуулахаар гомдол гаргасан. Гэмт этгээд болон түүний өмгөөлөгч ял хөнгөрүүлэх, гэм хорыг бүрэн нөхөн төлсөнөө дурдаж, ялыг багасгахыг хүссэн.

ҮНДЭСЛЭЛ: Давж заалдах шатны шүүх гэмт этгээдийн гэм бурууг хүлээн зөвшөөрсөн, гэм хорыг нөхөн төлсөн байдал, хувийн байдал, эрүүл мэндийн нөхцөл байдал, учруулсан хохирлын хэмжээ зэргийг харгалзан анх оногдуулсан хорих ялыг 4 жил 6 сараас 3 жил болгон хөнгөрүүлсэн. Хохирол нэхэмжилсэн зарим шаардлагыг Иргэний хуульд заасан үндэслэлгүй, зан үйл, сүсэг бишрэлтэй холбоотой, зайлшгүй шаардлагагүй хэмээн үзэж, анхан шатны шүүхийн шийдвэрийг хэвээр үлдээж, хохирогчийн өмгөөлөгчийн гомдлыг хэрэгсэхгүй болгосон.