Тогтоол №12993

ХЭРГИЙН ТАНИЛЦУУЛГА: Жолооч замын хөдөлгөөний дүрмийг зөрчиж, хүний амь насыг хохироосон, хэргийн газраас зугтаасан хэрэг. АНХАН ШАТ: Жолоочийг Эрүүгийн хуулийн 27.10, 27.11-д заасан гэмт хэрэгт буруутгаж, 27.11-д заасан хэргийг өршөөж, 27.10-д зааснаар жолоодох эрхийг 4 жилээр хасч, 2 жил хорих ял оноож, өршөөлөөр хорих ялаас 2 жилийг хасаж сулласан. Мөн иргэний хариуцагчаас хохирлыг гаргуулсан. ДАВЖ ЗААЛДАХ ШАТ: Прокурор анхан шатны шүүх Өршөөл үзүүлэх тухай хуулийг буруу хэрэглэсэн, ялыг хэлтрүүлсэн нь үндэслэлгүй гэж эсэргүүцсэн. Давж заалдах шатны шүүх прокурорын эсэргүүцлийг үндэслэлтэй гэж үзэж, анхан шатны шүүхийн шийтгэх тогтоолын жолоодох эрхийг хасч, улмаар жолооны үнэмлэхийг буцаан олгохоор шийдвэрлэсэн хэсгийг өөрчилж, зөвхөн хорих ялтай холбоотой хэсгийг өршөөж, жолоодох эрхийг хасах ялыг хэлтрүүлсэн нь хууль бус гэж үзэн, анхан шатны шүүхийн шийтгэх тогтоолын тогтоох хэсгийн 4, 7 дугаар заалтыг өөрчилж, жолооны үнэмлэхийг шийтгэх тогтоол хүчин төгөлдөр болмогц зохих байгууллагад шилжүүлэхийг даалгав.

ҮНДЭСЛЭЛ: Өршөөл үзүүлэх тухай хуулийн 6.2-т зөвхөн хорих ялаас хасах заалттай байхад анхан шатны шүүх нэмэгдэл ял болох жолоодох эрхийг хасах ялыг өршөөн хэлтрүүлсэн нь хууль зүйн үндэслэлгүй.