Тогтоол №12766

ХЭРГИЙН ТАНИЛЦУУЛГА: Гэр бүлийн хүчирхийлэл үйлдсэн гэх хүндрүүлэх шинжтэй нөхцөл байдалтайгаар хүний эрүүл мэндэд хөнгөн хохирол учруулсан гэмт хэрэгт сэжиглэгдэж буй этгээдтэй холбоотой эрүүгийн хэрэг. АНХАН ШАТ: Эрүүгийн хуулийн тусгай ангийн 11.6 дугаар зүйлийн 2 дахь хэсэгт зааснаар 800,000 төгрөгөөр торгох ял оногдуулсан. ДАВЖ ЗААЛДАХ ШАТ: Прокуророос Эрүүгийн хуулийг буруу хэрэглэсэн, хэрэглэвэл зохих хуулийг хэрэглээгүй, шийтгэх тогтоолын үндэслэл, дүгнэлт, бичих техникийн алдаа гаргасан гэх үндэслэлээр эсэргүүцэл гаргасан. Давж заалдах шатны шүүхээс анхан шатны шүүхийн шийтгэх тогтоол хууль ёсны болон үндэслэлтэй байх шаардлага хангаагүй гэж үзэн, прокурорын эсэргүүцлийг хангаж, хэргийг анхан шатны шүүхэд буцаасан.

ҮНДЭСЛЭЛ: Анхан шатны шүүхээс оногдуулсан торгуулийн ялын хэмжээг нэгж, мөнгөн дүнгээр тодорхой бус бичсэн, торгох ялыг хэсэгчлэн төлүүлэх, төлөх хугацааг тодорхойлоогүй, гэм бурууг тогтоохдоо эрүүгийн хариуцлага хөнгөрүүлэх, хүндрүүлэх нөхцөл байдлын талаар дүгнэлт хийгээгүй, хэргийн бодит байдлыг тогтоож чадаагүй, бичих техникийн алдаатай, эрүүгийн хэрэг хянан шийдвэрлэх тухай хуулийн заалтыг зөрчсөн зэрэг үндэслэлээр давж заалдах шатны шүүхээс шийтгэх тогтоолыг хүчингүй болгож, хэргийг дахин хэлэлцүүлэхээр буцаасан.