Тогтоол №12709

ХЭРГИЙН ТАНИЛЦУУЛГА: Согтууруулах ундааны зүйл хэрэглэсэн үедээ бусдыг хүнд гэмтээсэн этгээдтэй холбоотой эрүүгийн хэрэг. АНХАН ШАТ: Хүний эрүүл мэндэд хүнд хохирол санаатай учруулсан гэмт хэрэг үйлдсэнд тооцож, Эрүүгийн хуулийн тусгай ангийн 11.1 дүгээр зүйлийн 2 дахь хэсгийн 2.4 дэх заалтаар 5 жил 1 сарын хорих ял оногдуулж, нээлттэй хорих байгууллагад эдлүүлэхээр шийдвэрлэсэн. ДАВЖ ЗААЛДАХ ШАТ: Хуулийн зүйлчлэл, гэм буруугийн хэлбэрийг тогтоож чадаагүй, учирсан хохирол, шүүгдэгчийн хувийн байдлыг харгалзан ялыг хөнгөрүүлэх боломжтой хуулийн заалтыг хэрэглээгүй гэж үзэн, анхан шатны шүүхийн шийтгэх тогтоолыг хүчингүй болгож, хэргийг прокурорт буцаах, эсхүл хэргийн зүйлчлэл болон шийдвэрт өөрчлөлт оруулах тухай гомдол гаргасан.

ҮНДЭСЛЭЛ: Шүүгдэгч нь гэм буруугаа хүлээн зөвшөөрсөн, хохирогчид учирсан хохирлыг нөхөн төлсөн, хохирогчийн гомдолгүй байдал зэргийг харгалзан үзэж, анхан шатны шүүхээс Эрүүгийн хуулийн тусгай ангийн 11.1 дүгээр зүйлийн 2 дахь хэсгийн 2.4 дэх заалтад заасан гэмт хэрэгт оногдуулсан 5 жил 1 сарын хорих ялыг ялын доод хэмжээний гуравны хоёроос багагүй хэмжээгээр буюу 3 жил 6 сарын хорих ял болгон хөнгөрүүлэн өөрчилсөн. Мөн Өршөөл үзүүлэх тухай хуулийн дагуу оногдуулсан ялаас 2 жилийг өршөөн хасаж, биечлэн эдлэх ялыг 1 жил 6 сарын хугацаагаар тогтоожээ.