ХЭРГИЙН ТАНИЛЦУУЛГА: Нотлох баримт хангалтгүй, хохирогчийн сэтгэцийн байдлын талаарх шинжээчийн дүгнэлт тодорхойгүй байх тул хэргийг прокурорт буцаасан анхан шатны шүүхийн шүүгчийн захирамжийг эс зөвшөөрч прокурор эсэргүүцэл бичсэн. АНХАН ШАТ: Насанд хүрээгүй хохирогчийн сэтгэцийн байдлын талаарх шинжээчийн дүгнэлт тодорхой бус, Эрүүгийн хэрэг хянан шийдвэрлэх тухай хуулийн 27.1 дүгээр зүйлийн 2.3-т заасныг баримтлан, нэмэлт шинжилгээ хийлгүүлэхээр хэргийг прокурорт буцаасан. ДАВЖ ЗААЛДАХ ШАТ: Прокурор: Шүүгчийн захирамж хууль зүйн үндэслэлгүй, шүүх хуралдаанаар нөхөн гүйцэтгэх боломжтой, шинжээчийн дүгнэлт хангалтгүй тохиолдолд дахин шинжилгээ хийлгүүлэхээр шүүх эрх хэмжээтэй. Өмгөөлөгч: Хохирогчийн сэтгэцийн байдлын талаарх шинжээчийн дүгнэлт бүрэн биш тул анхан шатны шүүгчийн захирамжийг хэвээр үлдээх.
ҮНДЭСЛЭЛ: Хохирогчийн сэтгэцийн байдлыг тодорхойлох зорилгоор тавьсан асуултад шинжээчийн дүгнэлт хангалтгүй, тодорхой хариулаагүй байсан тул Эрүүгийн хэрэг хянан шийдвэрлэх тухай хуулийн 27.8 дугаар зүйлийн 1 дэх хэсэгт заасны дагуу нэмэлт шинжилгээ хийлгүүлэхээр шинжээч томилсон анхан шатны шүүгчийн захирамж үндэслэлтэй байна.