Тогтоол №12552

ХЭРГИЙН ТАНИЛЦУУЛГА: Гаалийн газрын дарга Б.М, У.Э, А.Х нар нь албан тушаалаа урвуулан ашиглаж, хахууль авсан, өгсөн хэрэгт холбогдсон. АНХАН ШАТ: Хэргийг бүрэн шалгаагүй, Эрүүгийн хэрэг хянан шийдвэрлэх тухай хуулийг ноцтой зөрчсөн тул прокурорт буцаасан. ДАВЖ ЗААЛДАХ ШАТ: Анхан шатны шүүхийн захирамжийг хууль зүйн үндэслэлгүй гэж үзэж, прокурорын эсэргүүцлийг хүлээн авч, хэргийг яллагдагч шүүхэд шилжүүлэх шатнаас дахин хэлэлцүүлэхээр анхан шатны шүүхэд буцаасан.

ҮНДЭСЛЭЛ: Яллах дүгнэлт болон нотлох баримтуудад хэний ашиг сонирхлын үүднээс гэмт хэрэг үйлдсэн, хахууль өгсөн этгээд тодорхойгүй, гэмт хэрэг хаана үйлдэгдсэн талаар дурдаагүй нь Эрүүгийн хэрэг хянан шийдвэрлэх тухай хуулийн 16.2 дугаар зүйлд заасан нотолбол зохих байдлыг бүрэн нотлоогүй гэж үзсэн. М.Н-ын үйлдлийг шалгаж, дүгнэлт хийлгүй хэргийг шүүхэд шилжүүлсэн нь хуулийг ноцтой зөрчсөн, шударга ёсны зарчимд нийцээгүй. Анхан шатны шүүх нь прокуророос шүүхэд шилжүүлсэн эрүүгийн хэргийн хүрээнд хэлэлцэх ёстой байтал, хахууль өгсөн этгээдийн гэм бурууг урьдчилан дүгнэсэн нь хуулийг ноцтой зөрчсөн. Б.М-ын гэм бурууг тогтооход хахууль өгсөн этгээд болон гэмт хэрэг хаана үйлдсэн нь тодорхойгүй байдал нь хэргийн бодит байдлыг тогтооход чухал ач холбогдолтой. Давж заалдах шатны шүүх прокурорын эсэргүүцлийг үндэслэлтэй гэж үзэж, анхан шатны шүүхийн захирамжийг хүчингүй болгож, хэргийг дахин хэлэлцүүлэхээр буцаасан.