Тогтоол №12424

ХЭРГИЙН ТАНИЛЦУУЛГА: Жолооч Ц.Х нь замын хөдөлгөөний аюулгүй байдлын дүрмийг зөрчин эсрэг урсгал сөрж, явсан машиныг мөргөж 3 хүний амь нас хохироож, 2 хүний эрүүл мэндэд хүнд, хүндэвтэр хохирол учруулсан хэрэгт буруутгагдсан.

АНХАН ШАТ: Шүүгдэгч Ц.Х-ийг Эрүүгийн хуулийн тусгай ангийн 27.10 дугаар зүйлийн 4 дэх хэсгийн 4.2-т зааснаар гэм буруутайд тооцож, тээврийн хэрэгсэл жолоодох эрхийг 5 жилээр хасч, 6 жил хорих ял оноосон. Мөн хохирлын нөхөн төлбөрт 97,228,745 төгрөг гаргуулахаар шийдвэрлэсэн.

ДАВЖ ЗААЛДАХ ШАТ: Шүүгдэгч болон түүний өмгөөлөгчид хэргийн газрын үзлэг, шинжээчийн дүгнэлтүүд хууль зөрчсөн, хэргийн бодит байдлыг тогтоогоогүй, буруу дүгнэлт гаргасан, мөн нөгөө талын жолоочийн гэм буруутай эсэх нь тогтоогдоогүй гэх үндэслэлээр шийтгэх тогтоолыг хүчингүй болгож, хэргийг мөрдөн байцаалтад буцаах, давж заалдах гомдол гаргасан.

ҮНДЭСЛЭЛ: Давж заалдах шатны шүүхээс шүүгдэгч Ц.Х-ийн үйлдсэн гэмт хэргийн нотлох баримтууд хангалттай, эдгээрийг хуульд заасан журмын дагуу цуглуулж, хянан хэлэлцсэн нь тогтоогдсон. Хэргийн газрын үзлэг, шинжээчийн дүгнэлтүүд хууль зөрчөөгүй, хэргийн бодит байдлыг зөв тогтоосон гэж үзсэн. Гэсэн хэдий ч анхан шатны шүүхийн шийтгэх тогтоолын зарим заалтанд хууль хэрэглээний алдаа гарсныг залруулж, тогтоох хэсэгт өөрчлөлт оруулж, бусад гомдлуудыг хэрэгсэхгүй болгож, шийтгэх тогтоолыг хэвээр үлдээсэн.