Тогтоол №12415

ХЭРГИЙН ТАНИЛЦУУЛГА: Иргэн Г.Од нь эхээ зодож амь насыг нь хохироосон хэрэгт холбогджээ. АНХАН ШАТ: Шүүгдэгчийг онц харгис хэрцгий, биеэ хамгаалж чадахгүй хохирогчийг алах гэмт хэрэг үйлдсэнд тооцож, 15 жилийн хугацаатай эмнэлгийн чанартай албадлагын арга хэмжээ авах, Сэтгэцийн Эрүүл Мэндийн Үндэсний Төвийн тусгай тасагт хэвтүүлэхээр шийдвэрлэжээ. ДАВЖ ЗААЛДАХ ШАТ: Дээд шатны прокурор, өмгөөлөгч нар анхан шатны шүүхийн шийдвэрийг буруу хэрэглэсэн, шинжээчийн дүгнэлтээр шүүгдэгч хэрэг хариуцах чадваргүй байсныг тогтоосон тул Эрүүгийн хуулийг буруу хэрэглэсэн хэмээн эсэргүүцжээ. Давж заалдах шатны шүүх анхан шатны шүүхийн шийдвэрийг хүчингүй болгож, хэргийг прокурорт буцаах, шүүгдэгчийг Сэтгэцийн Эрүүл Мэндийн Үндэсний Төвийн тусгай тасагт шилжүүлэхээр шийдвэрлэжээ.

ҮНДЭСЛЭЛ: Шүүгдэгч нь хэрэг үйлдэх үедээ сэтгэцийн хувьд хэрэг хариуцах чадваргүй байсан нь шинжээчийн дүгнэлтээр тогтоогдсон бөгөөд Эрүүгийн хуулийн 6.3 дугаар зүйлийн 3 дахь хэсгийг баримтлан ял оногдуулахгүйгээр эмнэлгийн чанартай албадлагын арга хэмжээ хэрэглэх ёстой байтал анхан шатны шүүх гэм буруутайд тооцож, ял оногдуулахаар шийдвэрлэсэн нь хуулийг буруу хэрэглэсэн гэж үзжээ.