Тогтоол №12334

ХЭРГИЙН ТАНИЛЦУУЛГА: Гэр бүлийн хүчирхийлэл үйлдэн хамтран амьдрагчдаа зодож, биед нь хөнгөн хохирол учруулсан, мөн байнга зодож гэр бүлийн хүчирхийлэл үйлдсэн хэргээр шүүгдэгч *******-ийг Эрүүгийн хуулийн тусгай ангийн 11.6 дугаар зүйлийн 2, 11.7 дугаар зүйлийн 1.1-т заасан гэмт хэрэгт холбогдуулан яллах дүгнэлт үйлдсэн. АНХАН ШАТ: Шүүгдэгч *******-ийг Эрүүгийн хуулийн тусгай ангийн 11.6 дугаар зүйлийн 1, 11.7 дугаар зүйлийн 1.1-т заасан гэмт хэрэг үйлдсэн гэм буруутайд тооцож, нийтэд тустай ажил хийлгэх ял, хорих ял оногдуулж, хорих ял дээр нэмж нэгтгэн нийт 9 сар 10 хоног хорих ялаар шийтгэж, нээлттэй хорих байгууллагад эдлүүлэхээр тогтоосон. ДАВЖ ЗААЛДАХ ШАТ: Шүүгдэгчийн өмгөөлөгч шүүгдэгч гэм буруугаа хүлээн зөвшөөрсөн, хохирогч гомдолгүй байхад оногдуулсан ял нь хэт хүнд, тэнссэн ял оногдуулах боломжтой байтал хэрэглээгүй гэж гомдол гаргасан. Прокурор анхан шатны шүүхийн дүгнэлт хэргийн бодит байдалтай нийцээгүй, хуулийг буруу тайлбарлаж хэрэглэсэн гэж эсэргүүцэл бичсэн.

ҮНДЭСЛЭЛ: Шүүгдэгчийн үйлдсэн гэмт хэрэг нь гэр бүлийн хүчирхийлэл үйлдэн бусдын биед хөнгөн хохирол санаатай учруулсан байх тул Эрүүгийн хуулийн тусгай ангийн 11.6 дугаар зүйлийн 2-т зааснаар зүйлчилж, 720 цагийн нийтэд тустай ажил хийлгэх ялаар шийтгэв. Шүүгдэгчийн цагдан хоригдсон хугацааг ял эдэлсэн хугацаанд тооцон, хувийн баталгаа гаргах арга хэмжээ авч суллалаа. Прокурорын эсэргүүцлийг хэрэгсэхгүй болгов.