Тогтоол №12010

ХЭРГИЙН ТАНИЛЦУУЛГА: Иргэн Ц.Пүрэвсүрэнг хутгалж, эрүүл мэндэд нь хүнд хохирол санаатай учруулсан хэргээр шүүгдэгч Ө.А-д холбогдох эрүүгийн хэргийг анхан шатны шүүх хянан шийдвэрлэв. АНХАН ШАТ: Шүүгдэгч Ө.А-г хүний эрүүл мэндэд хүнд хохирол санаатай учруулсан гэм буруутайд тооцож, Эрүүгийн хуулийн тусгай ангийн 11.1 дүгээр зүйлийн 2 дахь хэсгийн 2.4-т зааснаар 4 жилийн хорих ял оногдуулж, нээлттэй хорих байгууллагад эдлүүлэхээр шийтгэсэн. ДАВЖ ЗААЛДАХ ШАТ: Хохирогч болон шүүгдэгчийн өмгөөлөгч нар анхан шатны шүүхийн шийдвэрт гомдол гаргасан. Хохирогч ялаас чөлөөлөхийг, өмгөөлөгч нь ялыг хөнгөрүүлэхийг шаарджээ.

ҮНДЭСЛЭЛ: Давж заалдах шатны шүүх анхан шатны шүүхээс шүүгдэгчийн ял хөнгөрүүлэхдээ Эрүүгийн хуулийг буруу хэрэглэсэн байсныг тогтоож, тогтоолын зарим хэсгийг өөрчилсөн. Гэм буруугийн хувьд анхан шатны шүүхийн дүгнэлт болон зүйлчлэл зөв байсан боловч ял оногдуулахдаа Эрүүгийн хуулийн ерөнхий ангийн 6.7 дугаар зүйлийн 1 дэх хэсгийн 1.3-ыг бус 1.4-ийг хэрэглэх ёстой байсныг тогтоож, шийтгэх тогтоолын холбогдох заалтыг өөрчлөн, цагдан хорих хугацааг ял эдлэх хугацаанд оруулан тооцсон.