Тогтоол №11881

ХЭРГИЙН ТАНИЛЦУУЛГА: Шүүгдэгч нь хамтран амьдрагчаа орон сууцанд оруулахгүй, хаалганы цоожийг сольж, гэр бүлийн хүчирхийлэл үйлдсэн, мөн хохирогчийг зодож эрүүл мэндэд нь хөнгөн хохирол учруулсан гэмт хэрэгт холбогдсон. АНХАН ШАТ: Анхан шатны шүүхээс Эрүүгийн хуулийн тусгай ангийн 11.6 дугаар зүйлийн 2 дахь хэсэгт зааснаар гэр бүлийн хүчирхийлэл үйлдэж хүний эрүүл мэндэд хөнгөн хохирол учруулсан гэм буруутайд тооцож, торгох ялаар шийтгэсэн. ДАВЖ ЗААЛДАХ ШАТ: Шүүгдэгчийн өмгөөлөгчөөс шинжээчийн дүгнэлт эргэлзээтэй, дахин шинжилгээ хийлгэх хүсэлтийг хангаагүй нь буруу хэмээн гомдол гаргасан. Прокурор анхан шатны шүүхээс гэмт хэргийн шинжгүй гэж дүгнэсэн үйлдлийг хэрэгсэхгүй болгохдоо хуулийг буруу хэрэглэсэн, эсвэл хэрэглэвэл зохих хуулийг хэрэглээгүй гэж үзэн эсэргүүцэл бичсэн.

ҮНДЭСЛЭЛ: Давж заалдах шатны шүүхээс шүүгдэгчийн өмгөөлөгчийн гомдол, прокурорын эсэргүүцэл болон хэргийн бодит байдлыг харгалзан үзээд, шинжээчийн дүгнэлт болон гэмтлийн зэргийг тогтооход эргэлзээтэй байдал, мөн хэрэг бүртгэлт, мөрдөн байцаалт, шүүхийн шатанд дахин шинжилгээ хийлгэх хүсэлтийг хангаагүй нь хууль бус үйлдлээс улбаалж, шүүгдэгчийн эрхийг зөрчсөн гэж үзэн анхан шатны шүүхийн шийтгэх тогтоолыг хүчингүй болгож, хэргийг нэмэлт ажиллагаа хийлгэхээр прокурорт буцаасан.