Тогтоол №11419

ХЭРГИЙН ТАНИЛЦУУЛГА: Жолооч Г.А нь 9 настай хүүхдийг мөргөж амь насыг нь хохироосон хэргээр яллагдагчаар татагдсан. АНХАН ШАТ: Яллагдагч Г.А-г холбогдох хэргийг прокурорт буцааж, хувийн баталгаа гаргах таслан сэргийлэх арга хэмжээг үргэлжлүүлэхээр шийдвэрлэсэн. ДАВЖ ЗААЛДАХ ШАТ: Прокурор анхан шатны шүүхийн шийдвэрийг эс зөвшөөрч, хэргийг буцаасан нь Эрүүгийн хэрэг хянан шийдвэрлэх тухай хуулийг зөрчсөн гэж үзэн, шийдвэрийг хүчингүй болгож хэргийг дахин хэлэлцүүлэхээр буцаахаар гомдол гаргасан.

ҮНДЭСЛЭЛ: Анхан шатны шүүх нь зам тээврийн ослын талаарх шинжээчийн дүгнэлт, сэтгэцийн эмчийн дүгнэлт зэргээс үзэхэд амь хохирогчийн асран хамгаалагч, гүйцэтгэсэн үүргээ шалгах шаардлагатай гэсэн үндэслэлээр хэргийг прокурорт буцаасан нь Эрүүгийн хэрэг хянан шийдвэрлэх тухай хуулийн 34.14 дүгээр зүйлд заасан анхан шатны журмаар хэрэг хянан шийдвэрлэх ажиллагаа нь прокуророос шүүхэд шилжүүлсэн эрүүгийн хэргийн хүрээнд явагдана гэснийг зөрчсөн. Мөн авч үзсэн нотлох баримтуудад үндэслэн хэргийг шийдвэрлэх хуулийн шаардлагыг зөрчиж хэргийг прокурорт буцаасан нь үндэслэлгүй байхад хэргийг дахин хэлэлцүүлэхээр буцаах нь зүйтэй гэж дүгнэв.