Тогтоол №11263

ХЭРГИЙН ТАНИЛЦУУЛГА: Бүлэг зохион байгуулалттай үйлдсэн мал хулгайлах, худал мэдүүлэх гэмт хэргүүд. АНХАН ШАТ: Шүүгдэгч нарт холбогдох хэргийг нотолбол зохих байдлыг тогтоогоогүй, нөхөн гүйцэтгэх боломжгүй гэж үзэн прокурорт буцаасан. ДАВЖ ЗААЛДАХ ШАТ: Прокуророос анхан шатны шүүхийн шийдвэрийг эсэргүүцэв. Гэмт хэргийн сэдэлт, зорилго, гэм буруугийн хэлбэрийг тогтоох боломжтой байхад хэргийг буцаасан нь үндэслэлгүй, нотлох баримтыг үнэлэлгүй шийдвэрлэсэн нь хууль зүйн үндэслэлгүй гэж үзсэн. Шүүгдэгч Б.Б-гийн гэм буруу нь хангалттай нотлогдоогүй, цагаатгах үндэслэл тогтоогдсон гэж өмгөөлөгч үзэв.

ҮНДЭСЛЭЛ: Анхан шатны шүүх Эрүүгийн хэрэг хянан шийдвэрлэх тухай хуулийн 16.2 дугаар зүйлд заасан нотолбол зохих байдлыг тогтоогоогүй, шүүх хуралдаанаар нөхөн гүйцэтгэх боломжгүй гэж үзэн хэргийг прокурорт буцаасан нь буруу. Хэргийн үйл баримтыг тогтооход үндэслэл болсон нотлох баримтыг цуглуулах, бэхжүүлэхдээ хуульд заасан шаардлагыг ноцтой зөрчөөгүй тул анхан шатны шүүх нотлох баримтын хүрээнд үнэлж хэргийг шийдвэрлэх боломжтой. Анхан шатны шүүхийн шийдвэрийг хүчингүй болгон хэргийг дахин хэлэлцүүлэхээр буцаав.