Тогтоол №10609

ХЭРГИЙН ТАНИЛЦУУЛГА: Хуурч, зохимол байдал үүсгэж, бодит байдлыг нуун бусдыг төөрөгдөлд оруулж, өмч хөрөнгийг залилан авч их хэмжээний хохирол учруулсан гэх хэрэг. АНХАН ШАТ: Шүүгдэгч Ц.С-, С.Б- нарыг бусдын эд хөрөнгийг залилах гэмт хэрэгт буруутайд тооцож, Ц.С-ийг 6 жил, С.Б-г 5 жил 6 сар хорих ялаар шийтгэсэн. Хэргийн хохирлыг барагдуулах талаар заасан. ДАВЖ ЗААЛДАХ ШАТ: Шүүгдэгч Ц.С-, С.Б- нарын өмгөөлөгчид хэргийг нэг талыг барьж шийдвэрлэсэн, мөрдөн байцаалт дутуу хийгдсэн, хамтран оролцсон этгээдийг хариуцлагаас чөлөөлсөн гэх үндэслэлээр гомдол гаргасан. Хохирогчдын өмгөөлөгчид болон прокурор анхан шатны шүүхийн шийтгэх тогтоол үндэслэлтэй гэж үзсэн.

ҮНДЭСЛЭЛ: Анхан шатны шүүхийн шийтгэх тогтоол нь хэрэгт авагдсан нотлох баримтуудад үндэслэсэн, гэм бурууг зөв тогтоож, ял шийтгэл оногдуулахдаа хуулийг зөв хэрэглэсэн байна. Гэмт хэрэг үйлдсэн этгээдүүдийн үйлдсэн гэмт хэргийн шинж, хохирлын хэмжээ, хувийн байдлыг харгалзан үзсэн. Гэмт хэрэгт хамтран оролцсон байж болзошгүй этгээдийг тогтоох нэмэлт мөрдлөг шаардлагагүй гэж үзсэн. Хохирол барагдуулах зорилгоор битүүмжилсэн хөрөнгийг улсын орлого болгох, хохирол төлбөрийг шийдвэрлэхээр тогтоолд нэмэлт өөрчлөлт оруулж, давж заалдах гомдлыг хэрэгсэхгүй болгосон.