Тогтоол №10540

ХЭРГИЙН ТАНИЛЦУУЛГА: Эрүүгийн хуулийн холбогдох зүйл заалтаар шүүгдэгчийн үйлдлийг зүйлчлэн яллах дүгнэлт үйлдсэн, анхан шатны шүүхээс хэргийг прокурорт буцаасан. Прокурор уг шийдвэрт эсэргүүцэл гаргасан. АНХАН ШАТ: Шүүгдэгчийн үйлдлийг Эрүүгийн хуулийн тусгай ангийн 17.5 дугаар зүйлийн 1 дэх хэсэгт зааснаар бусдын эд хөрөнгийг завшсан гэмт хэрэгт тооцон, яллах дүгнэлт үйлдсэн. Гэвч гэмт хэргийн сэдэлт, зорилгыг тогтоогоогүй, үйлдлийн шинж хэргийн баримттай нийцэхгүй, яллах дүгнэлт нь хуулийн шаардлага хангахгүй гэж үзэн хэргийг прокурорт буцаасан. ДАВЖ ЗААЛДАХ ШАТ: Прокурор нь анхан шатны шүүхийн шийдвэрийг эсэргүүцсэн. Хохирогчийн гар утас андуурагдаж, шүүгдэгчид шилжсэн боловч шүүгдэгчийн үйлдлийг бусдын гээгдэл эд хөрөнгийг завшсан гэж үзэх боломжгүй, гэмт хэргийн зүйлчлэлийг зөв тогтоох шаардлагатай, үүнийг шүүхийн шатанд нөхөн гүйцэтгэх боломжгүй гэж дүгнэн, анхан шатны шүүхийн шийдвэрийг хэвээр үлдээж, прокурорын эсэргүүцлийг хэрэгсэхгүй болгосон.

ҮНДЭСЛЭЛ: Анхан шатны шүүхээс хэргийг прокурорт буцаахдаа Эрүүгийн хэрэг хянан шийдвэрлэх тухай хуулийн 17.4 дүгээр зүйлийн 4.1 дэх заалтад заасныг баримталж, шүүгдэгч гэмт хэрэг үйлдсэнийг нотлох баримтаар тогтоосон эсэхийг хянах ёстой байтал түүнийг хангаагүй гэж үзсэн. Шүүгдэгчийн үйлдлийг Эрүүгийн хуулийн тусгай ангийн 17.5 дугаар зүйлд заасан "Алдаатай гүйлгээ, андуурагдсан илгээмж, гээгдэл эд хөрөнгө, алдуул мал завших" гэмт хэрэгт тооцох үндэслэлгүй, мөн шүүгдэгчийг бусдын эд хөрөнгийг өмчлөгч этгээдэд мэдэгдэхгүйгээр нууцаар авсан гэж дүгнэх нь үндэслэлгүй.