Тогтоол №10244

ХЭРГИЙН ТАНИЛЦУУЛГА: Өсвөр насны хүүхэд О.Тэмүүжинг санаатай хүндэвтэр хохирол учруулсан хэргээр анхан шатны шүүхээс ялгүй тэнссэн шийдвэрийг хохирогчийн өмгөөлөгч эс зөвшөөрч давж заалджээ. АНХАН ШАТ: Эрүүгийн хуулийн тусгай ангийн 11.4 дүгээр зүйлийн 1-д зааснаар хүний эрүүл мэндэд хүндэвтэр хохирол учруулсан гэм буруутайд тооцож, Ерөнхий ангийн 8.7 дугаар зүйлийг журамлан ял оногдуулахгүйгээр 1 жилийн хугацаагаар хянан харгалзаж, гэмт хэргийн хор уршгийг арилгах үүрэг хүлээлгэн, хүмүүжлийн арга хэмжээ авахыг харъяа байгууллагад даалгаж, төлбөрт 793,101 төгрөгийг гаргуулахаар шийдвэрлэжээ. ДАВЖ ЗААЛДАХ ШАТ: Хохирогчийн өмгөөлөгч нь хэргийг бүлэглэн зөрчсөн, бусдад хүч хэрэглэсэн, шинжээчийн дүгнэлт болон хэргийн цаг хугацааг анхан шатны шүүх буруу тогтоосон, хохирол хүнд учирсан тул Эрүүгийн хуулийн 20.16 дугаар зүйлийг хэрэглэх ёсгүй байсан хэмээн үзэж, шийтгэх тогтоолыг хүчингүй болгож, хэргийг дахин хэлэлцүүлэхээр буцаан өгөхийг шаарджээ. Шүүгдэгчийн өмгөөлөгч анхан шатны шүүхийн шийдвэр зөв, хууль ёсны бөгөөд хууль зүйн үндэслэлгүй гомдол гэж үзсэн. Прокурор анхан шатны шүүхийн шийтгэх тогтоол хэвээр үлдээхийг санал болгожээ.

ҮНДЭСЛЭЛ: Давж заалдах шатны шүүх хэргийн бодит байдлыг тогтооход хууль тогтоомжийг ноцтой зөрчсөн зөрчил тогтоогдоогүй, шүүгдэгчийн үйлдлийг Эрүүгийн хуулийн тусгай ангийн 11.4 дүгээр зүйлийн 1-д зүйлчилсэн нь хууль зүйн үндэслэлтэй, оногдуулсан ял нь шүүгдэгчийн нөхцөл байдал, учруулсан хохиролд тохирсон гэж үзэн, анхан шатны шүүхийн тогтоох хэсгийн 2 дахь заалтад "1 жилийн хугацаагаар хянан харгалзсугай" гэснийг "1 жилийн хугацаагаар хянан хүмүүжүүлэхээр шийдвэрлэсүгэй" гэж өөрчилж, бусад заалтуудыг хэвээр үлдээж, хохирогчийн өмгөөлөгчийн гомдлыг хэрэгсэхгүй болгосон.