ХЭРГИЙН ТАНИЛЦУУЛГА: Шүүгдэгчийг хүн байнгын амьдрах зориулалттай бус байшинд нэвтрэн, 114.4 кг ноос хулгайлж, 400,400 төгрөгийн хохирол учруулсан хэрэгт буруутгаж байна.
АНХАН ШАТ: Шүүгдэгч нь Эрүүгийн хуулийн тусгай ангийн 17.1 дүгээр зүйлийн 1 дэх хэсэгт заасан бусдын эд хөрөнгийг хууль бусаар, нууцаар авч хулгайлах гэмт хэргийг үйлдсэнд гэм буруутайд тооцож, 500 цагийн нийтэд тустай ажил хийлгэх ял оногдуулсан.
ҮНДЭСЛЭЛ: Шүүгдэгч нь хулгай хийсэн байр нь хүн байнгын амьдрах зориулалттай буюу тусгайлан хамгаалсан байр, агуулах биш байсан гэж үзэж, Эрүүгийн хуулийн тусгай ангийн 17.1 дүгээр зүйлийн 2 дахь хэсгийн 2.1-ээс 17.1 дүгээр зүйлийн 1 дэх хэсэг болгон зүйлчлэл хөнгөрүүлсэн. Гэм буруугаа хүлээн зөвшөрсөн, хохирлыг барагдуулсан, анх удаа гэмт хэрэг үйлдсэн зэргийг харгалзан нийтэд тустай ажил хийлгэх ял оногдуулсан.