ХЭРГИЙН ТАНИЛЦУУЛГА: Хохирогчийг архины шилээр цохиж, нүүр рүү нь өшиглөж, хөнгөн хохирол учруулсан хэргүүд. АНХАН ШАТ: Эрүүгийн хуулийн 11.6 дугаар зүйлийн 1 дэх хэсэгт зааснаар хоёр шүүгдэгчийг хүний эрүүл мэндэд хөнгөн хохирол учруулсан гэм буруутайд тооцож, тус бүрийг 550,000 төгрөгөөр торгох ял оногдуулсан.
ҮНДЭСЛЭЛ: Шүүгдэгч нарыг үйлдсэн гэм буруугаа хүлээн зөвшөөрч, хохирлоо нөхөн төлсөн байдлыг харгалзан хөнгөрүүлэх нөхцөл байдал гэж үзэж, торгох ял оногдуулсан. Торгох ялыг 3 сарын хугацаанд хэсэгчлэн төлөхөөр тогтоосон. Торгох ялыг тогтоосон хугацаанд биелүүлээгүй тохиолдолд хорих ялаар солих боломжтойг анхааруулсан.