ХЭРГИЙН ТАНИЛЦУУЛГА: Архи согтууруулах ундаа хэрэглэсэн үедээ хутгаар хохирогчийн эрүүл мэндэд хүнд хохирол учруулсан хэрэг. АНХАН ШАТ: Шүүгдэгчийг Эрүүгийн хуулийн тусгай ангийн 11.1 дүгээр зүйлийн 2.4 дэх хэсэгт зааснаар буруутгаж, эмнэлгийн чанартай албадлагын арга хэмжээ хэрэглэхгүйгээр сэтгэцийн эрүүл мэндийн холбогдох байгууллагад эмчлүүлэх, асран хамгаалагчийн халамжид шилжүүлсэн.
ҮНДЭСЛЭЛ: Шүүгдэгч нь тархины цус харвалтын үлдэц, сэтгэцийн өөрчлөлтөөс шалтгаалсан хэрэг хариуцах чадваргүй байдалтай тул Эрүүгийн хуулийн ерөнхий ангийн 7.4 дүгээр зүйлийн 3 дахь хэсэгт заасан журмаар шийдвэрлэсэн. Хохирогчийн нэхэмжилсэн төлбөрийг шүүгдэгч төлсөн тул нэмж төлбөргүй, цаашдын эмчилгээний зардлыг иргэний журмаар нэхэмжлэх эрхтэй.