Тогтоол №56587

ХЭРГИЙН ТАНИЛЦУУЛГА: Зэвсэгт хүчний ангид харьяалах галт хэрэглэлийн агуулахаас алба хаагч нь их хэмжээний сум завшсан, нөгөө хэрэгт холбогдогч нь тус сумыг гэмт хэргийн улмаас олсон гэдгийг мэдсээр байж авсан хэрэг. АНХАН ШАТ: Нэг шүүгдэгчийг галт хэрэгслийг завшсан, нөгөөг нь гэмт хэргийн улмаас олсон хөрөнгийг мэдсээр байж авсан гэм буруутайд тооцож, нэг шүүгдэгчийг 1 жилийн хорих ялаар, нөгөөг нь 1 жилийн хугацаагаар тэнсэж, албадлагын арга хэмжээ авахаар шийдвэрлэсэн.

ҮНДЭСЛЭЛ: Шүүгдэгч Э.Ж нь цэргийн алба хаагчийн итгэмжлэн хариуцуулсан байлдааны зэвсэг, галт хэрэглэлийг завшсан, шүүгдэгч Ц.Э нь гэмт хэргийн улмаас олсон хөрөнгө болох сумыг мэдсээр байж авсан нь нотлох баримтаар тогтоогдсон. Шүүгдэгч Э.Ж нь 38,894,000 төгрөгийн хохирол учруулснаас 10,000,000 төгрөгийг төлж, үлдэгдэл 28,894,000 төгрөгийг төлөхөө илэрхийлсэн. Шүүгдэгч Ц.Э нь 630,000 төгрөгийн орлого олсон нь тогтоогдож, улсын орлого болгохоор шийдвэрлэсэн. Анх удаа гэмт хэрэг үйлдсэн, гэм буруугаа хүлээн зөвшөөрсөн, хохирол барагдуулах, төлөхөөр илэрхийлсэн байдал, гэр бүлийн байдлыг харгалзан ял оногдуулсан.