ХЭРГИЙН ТАНИЛЦУУЛГА: Шүүгдэгч нь найз бүсгүйгээ хардаж, толгой, нүүр, далны хэсэгт цохиж, улмаар хамар ясны хугарал, тархи доргилт, нүд, хамрын хэсэгт цус хурах зэрэг хөнгөн хохирол учруулсан гэмт хэрэгт холбогджээ. АНХАН ШАТ: Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар хүний эрүүл мэндэд хөнгөн хохирол санаатай учруулсан гэм буруутайд тооцож, 450 нэгжтэй тэнцэх хэмжээний буюу 450.000 төгрөгөөр торгох ял шийтгэж, хэсэгчлэн төлүүлэхээр тогтоов.
ҮНДЭСЛЭЛ: Шүүгдэгчийн хэргээ хүлээн зөвшөөрсөн мэдүүлэг, хохирогчийн мэдүүлэг, шинжээчийн дүгнэлт болон цугларсан бусад бичгийн нотлох баримтуудаар гэм буруу нь нотлогдсон. Эрүүгийн хуулийн 11.6 дугаар зүйлийн 1 дэх хэсэг нь тус гэмт хэрэгт тохирсон. Гэм буруугаа хүлээн зөвшөөрсөн, хохирогч гомдолгүй, эвлэрсэн зэрэг нөхцөл байдлыг харгалзан оногдуулсан торгох ялыг тодорхой хугацаанд хэсэгчлэн төлүүлэхээр шийдвэрлэв.