ХЭРГИЙН ТАНИЛЦУУЛГА: Иргэн Г.Б нь хууль бусаар ойгоос 77 ширхэг хуурай мод бэлтгэж, байгаль-экологид хохирол учруулсан хэргээр яллагдсан. Шүүгдэгч нь мод бэлтгэх зөвшөөрөлтэй байсан бөгөөд ахуйн хэрэглээндээ түлээ бэлтгэж байсан гэж маргасан. АНХАН ШАТ: Эрүүгийн хуулийн тусгай ангийн 24.6 дугаар зүйлийн 1 дэх хэсгийг зөрчсөн гэмт хэргийн шинжгүй хэмээн үзэж, хэргийг хэрэгсэхгүй болгон шүүгдэгчийг цагаатгасан.
ҮНДЭСЛЭЛ: Гэмт хэргийн шинжгүй гэж үзэх гол үндэслэл нь мод бэлтгэх ажиллагаа нь Эрүүгийн хуульд заасан "мод бэлтгэх" гэсэн ойлголтод хамаарахгүй, мөн байгаль-экологид учруулсан хохирол нь Эрүүгийн хариуцлагад хамаарах хэмжээнд хүрээгүй, харин Зөрчлийн тухай хуулийн дагуу зохицуулагдах боломжтой гэж үзсэн. Түүнчлэн, байгаль орчны албаны хариуцлагагүй хандлагаас үүссэн нөхцөл байдлыг анхаарч үзсэн.