Тогтоол №54366

ХЭРГИЙН ТАНИЛЦУУЛГА: Хөдөлмөрийн аюулгүй байдлын инженер О.С нь ажлын байрны тодорхойлолт, журмаар хүлээсэн үүргээ биелүүлээгүйгээс болж ажилтан амь насаа алдсан хэргээр Эрүүгийн хуулийн тусгай ангийн 10.6 дугаар зүйлийн 1 дэх хэсэгт заасан гэмт хэрэгт холбогджээ.

АНХАН ШАТ: Шүүгдэгч О.С нь Хөдөлмөрийн аюулгүй байдал, эрүүл ахуйн хууль, түүнд нийцүүлэн гаргасан захиргааны хэм хэмжээний акт, хэлцлээр хүлээсэн үүргээ биелүүлээгүйн улмаас ажилтан Л.Б нь бохирын цооногт унаж амь насаа алдсан гэм буруутайд тооцож, Эрүүгийн хуулийн ерөнхий ангийн 6.7 дугаар зүйлийн 1.2 дахь хэсгийг журамлан 1 жилийн хугацаагаар тэнсэж, тодорхой нөхцөл, үүрэг хүлээлгэжээ.

ҮНДЭСЛЭЛ: Хөдөлмөрийн аюулгүй байдал, эрүүл ахуйн хууль, холбогдох дүрмийн дагуу хөдөлмөрийн аюулгүй байдлыг хангаж, ажилтнуудад зохих зааварчилга, сургалт өгөх, хяналт тавих үүрэгтэй атал шүүгдэгч О.С нь энэ үүргээ биелүүлээгүй нь нотлогдсон. Осол нь ажлын байран дээр, ажил үүргээ гүйцэтгэж байх үед тохиолдсон бөгөөд хөдөлмөрийн аюулгүй байдлын инженер О.С нь хүлээсэн үүргээ биелүүлээгүйн улмаас гарсан хохирлыг тогтоожээ. Иймд шүүгдэгчийг гэм буруутайд тооцсон. Компанийн зүгээс учирсан хохирлыг нөхөн төлсөн, шүүгдэгч нь анх удаа болгоомжгүй гэмт хэрэг үйлдсэн, хохирол нөхөн төлсөн зэргийг харгалзан ялыг тэнсгэжээ.