ХЭРГИЙН ТАНИЛЦУУЛГА: Үеэл хоорондоо хэрэлдэж, нэг нь нөгөөгийн хамар хэсэгт цохиж, хамар ясны хугарал, хамрын таславчийн мурийлт гэмтэл учруулсан хэргийг хянан шийдвэрлэв. АНХАН ШАТ: Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар хүний эрүүл мэндэд хөнгөн хохирол санаатай учруулсан гэмт хэрэг үйлдсэн гэм буруутайд тооцож, 450,000 төгрөгөөр торгох ял оногдуулсан.
ҮНДЭСЛЭЛ: Хохирогч, гэрч, яллагдагч нарын мэдүүлэг, шинжээчийн дүгнэлтээр гэмтэл нь хөнгөн зэргийнх болох нь тогтоогдсон. Шүүгдэгч гэм буруугаа хүлээн зөвшөөрч, хохирол учруулсан, анх удаа хөнгөн гэмт хэрэг үйлдсэн зэргийг харгалзан торгох ял оногдуулсан.