ХЭРГИЙН ТАНИЛЦУУЛГА: Согтууруулах ундаа хэрэглэсэн үедээ хэрүүл маргааны улмаас хохирогчийг өшиглөж, зодож хөнгөн хохирол учруулсан үндэслэлтэй хэргийг хянан хэлэлцэв. АНХАН ШАТ: Шүүгдэгчийг Эрүүгийн хуулийн тусгай ангийн 11.6 дугаар зүйлийн 1-д зааснаар хүний эрүүл мэндэд хөнгөн хохирол санаатай учруулсан гэмт хэрэгт гэм буруутайд тооцон, 800,000 төгрөгөөр торгож, гурван сарын хугацаанд хэсэгчлэн төлөхийг даалгав.
ҮНДЭСЛЭЛ: Хохирогч, гэрчийн мэдүүлэг болон шинжээчийн дүгнэлт зэрэг хэрэгт цуглуулсан нотлох баримтуудаар шүүгдэгчийн үйлдсэн гэмт хэрэг нотлогдсон. Шүүгдэгчийн хэргийг хөнгөрүүлэх нөхцөл байдал тогтоогдоогүй. Хохирогч цаашид эмчилгээний зардлаа иргэний журмаар нэхэмжлэх эрхтэй.