ХЭРГИЙН ТАНИЛЦУУЛГА: Нэг этгээд нь салсан нөхрийнхөө автомашиныг тоосгоор цохиж урд салхины шил, хоёр хажуугийн толь, их гэрлийг нь гэмтээж, 1.640.000 төгрөгийн хохирол учруулсан үйлдлийг хийжээ. АНХАН ШАТ: Эрүүгийн хуулийн тусгай ангийн 17.8 дугаар зүйлийн 1 дэх хэсгийг зөрчиж, бусдын эд хөрөнгийг хууль бусаар гэмтээсэн гэм буруутайд тооцож, 500.000 төгрөгөөр торгох ял оногдуулж, 6 сарын хугацаанд хэсэгчлэн төлүүлэхээр шийдвэрлэв.
ҮНДЭСЛЭЛ: Шүүгдэгчийн болон хохирогчийн мэдүүлэг, хэргийн газар үзлэг, хөрөнгийн үнэлгээ зэрэг нотлох баримтаар гэм буруу нь тогтоогдсон. Гэм буруутайд тооцож, Эрүүгийн хуулийн холбогдох зүйлд заасны дагуу ял шийтгэл оногдуулсан.