ХЭРГИЙН ТАНИЛЦУУЛГА: Эцэг нь насанд хүрээгүй хүүгээ хоолойг нь боож, эрүүл мэндэд нь хөнгөн хохирол санаатай учруулсан хэрэг. Шүүгдэгч гэм буруугаа хүлээн зөвшөөрч, хэргийг хялбаршуулсан журмаар шийдвэрлүүлэх хүсэлт гаргасан. АНХАН ШАТ: Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар шүүгдэгчийг гэм буруутайд тооцож, 450 нэгжтэй тэнцэх хэмжээний буюу 450 000 төгрөгөөр торгох ял оногдуулж, 5 сарын хугацаанд хэсэгчлэн төлөхөөр шийдвэрлэв.
ҮНДЭСЛЭЛ: Шүүгдэгчийн өөрийн мэдүүлэг, гэрчийн мэдүүлэг, шинжээчийн дүгнэлт зэрэг нотлох баримтуудаар гэм буруутай нь тогтоогдсон. Хэргийг хялбаршуулсан журмаар хянан шийдвэрлэсэн бөгөөд ял шийтгэлийг прокурорын санал болон хуулийн дагуу тогтоов.