ХЭРГИЙН ТАНИЛЦУУЛГА: Согтуурсан үедээ охиноо гэмтээсэн этгээдийг Эрүүгийн хуулийн 11.6 дугаар зүйлийн 2 дахь хэсэгт заасан гэр бүлийн хүчирхийллийн улмаас хүний эрүүл мэндэд хөнгөн хохирол учруулах гэмт хэрэгт холбогдуулан хялбаршуулсан журмаар хянан шийдвэрлэхээр прокуророос яллах дүгнэлт үйлдсэн. АНХАН ШАТ: Шүүгдэгч нь гэм буруугаа хүлээн зөвшөөрч, хэргийг хялбаршуулсан журмаар шийдвэрлүүлэх хүсэлт гаргасан. Хохирогчийн биед хөнгөн зэргийн гэмтэл учирсныг шинжээчийн дүгнэлтээр тогтоосон.
ҮНДЭСЛЭЛ: Шүүгдэгч нь гэр бүлийн хамаарал бүхий харилцаатай охиноо бие махбодын хүчирхийлэл үйлдэн эрүүл мэндэд нь хөнгөн хохирол учруулсан нь тогтоогдсон. Эрүүгийн хуулийн 11.6 дугаар зүйлийн 2 дахь хэсгийг хэрэглэх нь хууль зүйн үндэслэлтэй. Шүүгдэгчийг Эрүүгийн хуулийн 11.6 дугаар зүйлийн 2 дахь хэсэгт зааснаар гэм буруутайд тооцож, 500,000 төгрөгөөр торгох ял оногдуулсан. Хохирогч нь нэхэмжлэлгүй.