Тогтоол №53346

ХЭРГИЙН ТАНИЛЦУУЛГА: Шүүгдэгч Б.Я нь Эрүүгийн хуулийн тусгай ангийн 11.6 дугаар зүйлийн 1, 23.1 дүгээр зүйлийн 1 дэх хэсэгт заасан, шүүгдэгч Т.Н нь Эрүүгийн хуулийн тусгай ангийн 23.1 дүгээр зүйлийн 1 дэх хэсэгт заасан гэмт хэрэгт тус тус холбогджээ. Шүүгдэгч Б.Я нь согтуугаар хууль сахиулагчийг албан үүргээ биелүүлэхтэй нь холбогдуулан хүч хэрэглэсэн, хүний эрүүл мэндэд хөнгөн хохирол санаатай учруулсан, шүүгдэгч Т.Н нь согтуугаар хууль сахиулагчийг албан үүргээ биелүүлэхтэй нь холбогдуулан хүч хэрэглэсэн гэмт хэрэг үйлдсэн нь нотлогджээ.

АНХАН ШАТ: Шүүгдэгч Б.Я-ыг Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар 450 000 төгрөгөөр, Эрүүгийн хуулийн тусгай ангийн 23.1 дүгээр зүйлийн 1 дэх хэсэгт зааснаар 2 700 000 төгрөгөөр, нийт 3 150 000 төгрөгөөр, шүүгдэгч Т.Н-ыг Эрүүгийн хуулийн тусгай ангийн 23.1 дүгээр зүйлийн 1 дэх хэсэгт зааснаар 2 700 000 төгрөгөөр тус тус торгох ялаар шийтгэж, ял оногдуулсан торгох ялыг нэг жилийн хугацаанд хэсэгчлэн төлөхөөр тогтоосон.

ҮНДЭСЛЭЛ: Хууль сахиулагчдыг албан үүргээ гүйцэтгэж байхад нь согтуурсан үедээ эсэргүүцэж, биед нь халдаж, улмаар нэг алба хаагчийн эрүүл мэндэд хөнгөн хохирол учруулсан байна. Нотлох баримтуудаар гэм буруу нь тогтоогдож, Эрүүгийн хуулийн холбогдох зүйл хэсэгт заасан хариуцлагыг хүлээлгэхээр шийдвэрлэсэн.