ХЭРГИЙН ТАНИЛЦУУЛГА: Эцэг нь хүүгээ ээжийгээ хүндэлсэнгүй гэж үзэн түлхүүрийн оосортой нуруун тус газар нь цохиж хөнгөн хохирол учруулсан хэрэг. АНХАН ШАТ: Хүний эрүүл мэндэд хөнгөн хохирол санаатай учруулсан гэмт хэрэг үйлдсэн гэм буруутайд тооцож, 600,000 төгрөгөөр торгох ял оногдуулсан.
ҮНДЭСЛЭЛ: Шүүх хүүгийн болон гэрчийн мэдүүлэг, эмнэлгийн дүгнэлтийг үндэслэн эцгийг гэм буруутайд тооцсон. Ял шийтгэл оногдуулахдаа Эрүүгийн хуулийн ерөнхий ангийн 6.5, 6.6-д заасан ял хөнгөрүүлэх, хүндрүүлэх нөхцөл байдал тогтоогдоогүй, гэм буруугаа хүлээн зөвшөөрсөн, учруулсан хохирол, хувийн байдлыг харгалзсан. Торгох ялыг 90 хоногийн дотор биелүүлэх, биелүүлэхгүй тохиолдолд хорих ялаар солих боломжтойг дурьдсан.