Тогтоол №53105

ХЭРГИЙН ТАНИЛЦУУЛГА: Шүүгдэгчийг хүн байнгын оршин суух зориулалттай орон байранд хууль бусаар нэвтрэн, хүч хэрэглэхгүйгээр, нууцаар эд хөрөнгө хулгайлсан гэмт хэрэгт холбогдуулан яллах дүгнэлт үйлдсэн. АНХАН ШАТ: Шүүгдэгчийг Эрүүгийн хуулийн 17.1 дүгээр зүйлийн 2 дахь хэсгийн 2.1 дэх заалтад заасан "хулгайлах" гэмт хэрэгт гэм буруутайд тооцож, 2 жилийн хорих ял оногдуулж, нээлттэй хорих байгууллагад эдлүүлэхээр шийдвэрлэсэн. Мөн учруулсан 490,000 төгрөгийн хохирлоос 250,000 төгрөгийг төлсөн, үлдэгдэл 240,000 төгрөгийг хохирогчид төлж барагдуулах, цагдан хоригдсон 33 хоногийг эдлэх ялд тооцож хассан.

ҮНДЭСЛЭЛ: Орон байранд хууль бусаар нэвтэрч, эд хөрөнгө хулгайлсан гэмт хэргийг нотлох баримтаар тогтоосон. Гэм буруутайд тооцох объектив, субьектив үндэслэл хангалттай байсан. Гэм буруугаа хүлээн зөвшөөрч, хохирлоо төлөх арга хэмжээ авсан нь ял хөнгөрүүлэх нөхцөл байдалд хамаарна. Урьд ял шийтгэлгүй, гэмшиж байгаа нь ял хөнгөрүүлэх, харин согтуурсан үедээ, хялбар аргаар мөнгө олох зорилготой үйлдсэн нь ял хүндрүүлэх нөхцөл байдал болсон. Гэмт хэргийн улмаас учирсан хохирлыг бүрэн барагдуулаагүй тул ялыг хөнгөрүүлэх зарим хуулийн заалтыг хэрэглэх боломжгүй гэж үзсэн.