ХЭРГИЙН ТАНИЛЦУУЛГА: Шүүгдэгч архи уусан үедээ хөзөр тоглож байгаад маргалдаж, хохирогчийг хутгалж, эрүүл мэндэд нь хөнгөн хохирол учруулсан хэрэг. АНХАН ШАТ: Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан хүний эрүүл мэндэд хөнгөн хохирол санаатай учруулах гэмт хэргийг үйлдсэн гэм буруутайд тооцож, 900,000 төгрөгөөр торгох ял шийтгэж, уг ялыг 6 сарын хугацаанд хэсэгчлэн төлүүлэхээр шийдвэрлэв.
ҮНДЭСЛЭЛ: Шүүгдэгчийн хэргээ хүлээсэн мэдүүлэг, хохирогчийн мэдүүлэг, шүүх эмнэлгийн дүгнэлт зэрэг нотлох баримтуудаар гэм буруу нь тогтоогдсон. Эрүүгийн хариуцлагыг хөнгөрүүлэх нөхцөл байдал /анх удаа гэмт хэрэг үйлдсэн, гэмшиж, гэм буруугаа хүлээн зөвшөөрсөн/-ыг харгалзан ял оногдуулсан. Торгох ялыг хэсэгчлэн төлүүлэх шийдвэр нь ялтан болон нийгмийн байдлыг харгалзсан.