ХЭРГИЙН ТАНИЛЦУУЛГА: Шүүгдэгч Д.Түвшинбаяр нь хувийн таарамжгүй харьцааны улмаас хохирогч Б.Батжаргалын эрүүл мэндэд хөнгөн хохирол санаатай учруулсан гэмт хэрэгт холбогджээ.
АНХАН ШАТ: Шүүгдэгч Д.Түвшинбаярыг Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан "Хүний эрүүл мэндэд хөнгөн хохирол санаатай учруулах" гэмт хэргийг үйлдсэн гэм буруутайд тооцож, 240 цагийн хугацаагаар нийтэд тустай ажил хийлгэх ял оногдуулсан.
ҮНДЭСЛЭЛ: Хохирогч, шинжээч, камерийн бичлэг, шүүгдэгчийн мэдүүлэг зэрэг нотлох баримтаар шүүгдэгчийн гэм буруутай нь тогтоогдсон. Хохирогч эмчилгээний зардлаа цаашид нэхэмжлэх эрхтэй. Шүүгдэгчийн хувийн байдал, хохирлоо нөхөн төлсөн байдлыг харгалзан хөнгөн ял оногдуулсан.