ХЭРГИЙН ТАНИЛЦУУЛГА: Рестораны менежерээр ажиллаж байсан этгээд нь шинэ жилийн хүлээн авалтын орлогоос 2,100,000 төгрөгийг завшсан гэмт хэрэгт холбогдсон. АНХАН ШАТ: Шүүгдэгчийг бусдын итгэмжлэн хариуцуулсан эд хөрөнгийг завшсан гэмт хэрэг үйлдсэн гэм буруутайд тооцож, 2,700,000 төгрөгөөр торгож, торгох ялыг 1 жилийн хугацаанд хэсэгчлэн төлүүлэхээр шийтгэсэн.
ҮНДЭСЛЭЛ: Шүүгдэгчийн гэм буруу нь хохирогч, шүүгдэгчийн мэдүүлэг болон бусад баримтаар тогтоогдсон. Шүүгдэгч гэм буруугаа хүлээн зөвшөөрч, учруулсан хохирлыг барагдуулсан байдал, урьд нь эрүүгийн хариуцлага хүлээж байгаагүй зэргийг харгалзан ялыг тогтоосон.