Тогтоол №52783

ХЭРГИЙН ТАНИЛЦУУЛГА: Эрүүгийн хуулийн тусгай ангийн 11.6 дугаар зүйлийн 2 дахь хэсэгт заасан гэр бүлийн хүчирхийлэл үйлдэж, хүний эрүүл мэндэд хөнгөн хохирол санаатай учруулсан хэрэгт холбогдох шүүгдэгч өөрийн гэм буруугаа хүлээн зөвшөөрсөн. АНХАН ШАТ: Шүүгдэгч нь эхнэрийг хардаж, маргалдаж, улмаар гар, хацар, эрүү, цээж, мөчдөд нь цус хуралт бүхий хөнгөн хохирол учруулсан нь нотлогдож, Эрүүгийн хуулийн 11.6 дугаар зүйлийн 2 дахь хэсэгт заасан гэмт хэргийг үйлдсэн гэм буруутайд тооцож, 600,000 төгрөгөөр торгох ял оногдуулж, 3 сарын хугацаанд хэсэгчлэн төлүүлэхээр шийдвэрлэсэн.

ҮНДЭСЛЭЛ: Шүүгдэгчийн мэдүүлэг, хохирогчийн мэдүүлэг, шүүх эмнэлгийн дүгнэлт зэрэг нотлох баримтуудаар гэм буруу нь тогтоогдсон. Гэр бүлийн хүчирхийлэл нь нийгэмд тогтсон хүмүүс хоорондын харьцаа, ёс суртахууны хэм хэмжээг үл тоомсорлосонтой холбоотой. Хүний эрүүл мэндийн халдашгүй байдалд халдсан, нийгэмд аюултай, гэм буруутай үйлдэл нь Эрүүгийн хуулийн 11.6 дугаар зүйлд тодорхойлогдсон. Хохирогч нэхэмжлэл гаргаагүй тул нөхөн төлбөргүй. Ял оногдуулахдаа хөнгөрүүлэх, хүндрүүлэх нөхцөл байдал тогтоогдоогүй.